Shprehja e mendimit për koleget e saj duket se nuk i ka ecur mirë gazetares së sportit, Ilda Bejreit. E ftuar në emisionin e Rudinës, Ilda i ka cilësuar gazetaret e tjera të sportit si të dala mode, pasi ato janë praktikuese e gazetarisë së vjetër.
Ajo u shpreh se te Vilma Masha, Enkeleida Zeiko dhe Hygerta Sako nuk sheh diçka që ta frymëzojë apo një model për t’u ndjekur. Kjo gjë bëri që gazetarja Hygerta Sako të reagonte për ‘Panorama Sport”, e cila thotë kështu:
“Të them të drejtën nuk e ndoqa, por më informuan miqtë. Nuk kam kohë të merrem me të tilla deklarata, sepse jam shumë e zënë me ‘Përtej Futbollit’, emision që fillon së shpejti dhe që u kopjua nga kolegët. Por, unë mund të them që vazhdoj me këtë ‘stilin e vjetër’ të gazetarisë me të cilin prodhoj lajme që zënë faqet e para. Nëse Ilda mendon se të qenit seksi është stil i ri i uroj suksese në rrugën e zgjedhur prej saj. Dhe së fundmi dua të them që Ilda s’kishte lindur akoma, kur mua më emociononte Maradonna, Mateus dhe Van Basten”.
