Kompozitori i njohur shqiptar, Elgit Doda ka treguar për refuzimin e parë që i bëri një këngëtare shqiptare, pasi dëgjoi këngën e tij.
I ftuar në emisionin “Tek Unë” në INtv, Giti siç i thërret shoqëria artistin, ka treguar për fillimet e tij në muzikë. Ai tha se pati fatin që karrierën ta fillonte në një televizion muzikor. Aty iu dha edhe mundësia të bashkëpunonte me artistë të rinj por edhe me artistë me eksperiencë.
Elgiti tregon se fillimi i karrierës së tij, nuk ka qenë shumë i thjeshtë, ndërsa ka me publikun një histori, që me humor e kujton si refuzimin e parë.
“Artistja e parë që kam pas në studio ka qenë Rezarta Shkurta. Isha pak i ndrojtur në atë kohë dhe vendos t’i tregoj këngën. Ajo e dëgjon dhe më thotë: “Nuk bën fare.” Aty mu duk sikur rashë në ndonjë humnerë”.
“Mos u mërzit se ti i talentuar je, por thjesht të duhet pak më shumë kohë”, shtoi Rezarta, megjithatë siç vet Giti shprehet me humor, ai nuk ishte më ngushëllim./INTv
