Në datën 12 shkurt, do të mbahet ceremonia prestigjioze e ndarjes së çmimeve “Grammy” në Los Angeles. Pjesë e këtij eventi gjigant që mbahet këtë vit do të bëhet edhe këngëtarja shqiptare, Bleona Qereti.
Ajo ka vendosur të na tregojë veshjen me të cilën do të parakalojë në “red carpet”. Përmes disa postimeve të njëpasnjëshme në Instagram, Bleona shihet me një fustan të zi ekstravagant dhe me aksesorë prej floriri.
“Gati për Gramy’s”, shkruan ajo në Instagram, ku kjo pyetje mbetet postimi i fundit i saj, deri ditën e diel, kur besohet se Bleona do të publikojë foto nga tapeti i kuq.
