Masaya Nakamura, themeluesi i video-lojës së famshme japoneze dhe sipërmarrësi i “Namco”, raportohet se ndërroi jetë në moshën 91-vjeçare. Sipas një deklarate për mediat të publikuar nga kompania, Nakamura ndërroi jetë më 22 janar, por lajmi për vdekjen e tij u bë publik vetëm ditën e djeshme.
Nakamura njihet më së shumti për lojën klasike Pac-Man në vitet ’80. Kohë përpara se të zhvillonte lojën e sipërpërmendur, Nakamura themeloi fillimisht një kompani argëtuese me udhëtime në Tokio të quajtur “Nakamura Manufacturing” në 1955-n, ndërsa e ndryshoi më pas emrin në Namco në 1958-n.
Por kompania e bë e njohur në mbarë botën në 2005-n, kur u bashkua me Bandai-n, duke e ndryshuar emrin për herë të tretë në Bandai Namco.
“Babai i Pac-Man” u frymëzua për lojën nga një copë pice. Ai i vendosi emrin “pac” ose “pakku” (në japonisht) nga zhurma që Pac-Man bënte kur gëlltitej nga fantazma. Lojërat e tjera hit nga Nakamura përfshinë, Ridge Racer, Soul Calibur, Tekken, Galaxian, Splatterhouse, Dig Dug dhe Time Crisis.
Në 2007-n, Nakamura u nderua nga qeveria japoneze me çmimin “Order of the Rising Sun”.
Burimi: HypeBeast
