Ajo la qelinë disa javë më parë dhe shprehu me plotë gojë dëshirën e saj për të qenë në skenën e “The Voice of Albania”.
Gara e talenteve në muzikë nisi dje në mbrëmje edicionin e tij të gjashtë. Fatbardha Gjoni, një nga gratë e cila përfitoi nga amnistia për të lënë burgun në të cilin qëndronte prej vitesh, ishte një nga konkurrentet që morën pjesë në këtë garë.
Mbrëmjen e djeshme ajo realizoi ëndrrën duke interpretuar këngën “Jeta Nuk është Lodër” nga Albërie Hadërgjonaj. Pavarësisht se nuk mundi të kalonte, ajo dha një mesazh mjaft të fuqishëm për gratë, që të ndjekin ëndrrën e tyre pavarësisht rrethanave.
