Nuk ka rëndësi nëse i vishni me apo pa reçipeta, bluzat e tejdukshme janë një nga trendet më të reja të këtij viti. Dy nga modelet më të njohura, Kendall Jenner dhe Bella Hadid sollën trendin më të ri të bluzave të tejdukshme, gjatë Javës së Modës në Paris.
Të shtunën Kendall Jenner u dallua në Paris e veshur me një bluzë të tejdukshme nga Danielle Guizio, e cila kishte si dizajn dy yje për të mbuluar gjoksin. Kendall kishte zgjedhur këtë veshje për të shijuar restorantin Ferdi me miken e saj të ngushtë Bella Hadid, në mbrëmje.
Por ky trend është përqafuar edhe nga të famshmet shqiptare, të cilat nuk mbeten pas sa u përket modës. Eni Koçi publikoi sot një foto me një bluzë në ngjyrë nude, që nxirrte në pah recipetat në po të njëjtën ngjyrë. Era Istrefi është gjithashtu një fanse e këtij stili dhe një nga femrat e ekranit shqiptar që përqafon trendet e reja të modës.
Por si mund ta veshësh një bluzë të tejdukshme?
Të dish si të veshësh një bluzë të tejdukshme mund të përcaktojë, nëse veshja juaj është seksi apo e sofistikuar. Duke qenë se bluzat e tejdukshme tregojnë se çfarë ka nën të, veshja poshtë saj është shumë e rëndësishme.
Veshja bëhet më interesante nesë zgjidhni një palë reçipeta në ngjyrë neutrale ose një bluzë të shkurtër crop-top.
