Kur ti je Diane von Furstenberg, e njohur me inicialet DVF, ja se si i rekruton dizajnuesit e rinj: Gjatë një interviste, ulesh në një divan, ndërsa i punësuari potencial, Jonathan Saunders, qëndron afër jush. Bisedon për një orë, ndoshta dy ose tre, sepse vërtetë kush i numëron, kur po kënaqesh?
Plot gjallëri, të patrembur, shumëngjyrësh dhe nuk luajnë kurrë sipas rregullave: Saunders dhe von Furstenberg kanë më shumë ngjashmëri se sa ndryshime.
“Vetëbesimi i Jonathan në vizionin e tij është impresionues”, thotë dizajnuesja. Nuk është e çuditshme që ai mori punën në shtëpinë e modës.
Qershorin e kaluar, Saunders, i cili mbylli markën e tij në 2015-n, u arratis me bashkëshortin e tij të ardhshëm për të jetuar në West Village.
Çdo ditë ai shkon në punë duke bërë të njëjtën pyetje: Si ta riimagjinojë DVF që të dëgjohet në zhurmën e botës, duke pasur parasysh zhurmën që bëri fustani origjinal feminist me lidhje në mes, që u krijua në vitin 1974?
Përgjigjja e tij është: të shtojë volumin. Ajo që ka bërë Saunders është rritja e gjendjes emocionale, përmes përzierjes së grafikeve dhe dizajnëve me lule në materialet mëndafshi, të thurura dhe tyli.
Fustan me lidhje në mes i DVF (Shiko këtu)
Është një homazh i asaj që marka i ka qëndruar besnike, “e lehtë, optimiste dhe sensuale”. Fustani ikonë është ende prezent, por ai i ka dhënë asaj një ndryshim të ri, artistik në prerjet diagonale dhe ngjyrave të ndryshme apo përmes vendosjes së dy dizajnëve të ndryshme ngjitur me njëra-tjetrën.
“I dua femrat; dua t’i kuptoj se si ndihen ato për mënyrën e të veshurit. Ti kërkon atë lidhjen emocionale”, shprehet Saunders.
Burimi: Vogue
