Aktori i njohur i Hollivudit, Shia LaBeouf është arrestuar nga policia e Nju Jork-ut gjatë protestës kundër presidentit të Shteteve të Bashkuara, Donald Trump.
Protesta e titulluar “Ai nuk do të na ndajë”, po mbahet që prej zgjedhjes së presidentit. Policia ka njoftuar se aktori i tërhoqi shallin një 25-vjeçari të paidentifikuar këtë mëngjes duke i shkaktuar disa gërvishtje në fytyrë. Ai gjithashtu kishte shtyrë një burrë, që refuzoi kujdesin mjekësor.
Sipas raporteve nga të pranishmit, protestuesi kishte thënë diçka për kamerën që po xhironte protestën dhe LaBeouf nuk kishte rënë dakord me të.
