Në ditën e fundit të Michelle Obama-s si Zonjë e Parë, dizajnuesit festuan gjurmët e saj në modën amerikane përmes letrave falënderuese të shkruara me dorë. WWD u kërkoi disa prej dizajnuesve që veshën Zonjën e Parë përgjatë viteve, që të shkruanin një shënim për trashëgimin që ajo la.
Shtatë dizajnues, përfshirë Jason Wu, Joseph Altuzarra, Christian Siriano, Monique Lhuillier, Jenna Lyons, Prabal Gurung dhe Marchesa, shkruan letrat e tyre duke shprehur falënderimet për zonjën Obama.
Jason Wu, që dizajnoi fustanin e inaugurimit të Zonjës së Parë në 2008-n, shkroi një shënim motivues: “Faleminderit për mbështetjen e mrekullueshme jo vetëm për mua, por për çdo krijues që ëndërron në këtë shtet. Ti më frymëzove dhe jam kaq krenar që luajta një rol të vogël në trashëgiminë më të jashtëzakonshme. Unë mund të them me krenari se kam arritur Ëndrrën Amerikane”.
Në letrën e tij Prabal Gurung thekson shpresën që Obama një ditë të kandidojë si Presidente vet: “Faleminderit që na lejove të ishim pjesë e historisë. Shihemi pas 4 vitesh si Presidentja jonë e parë femër”.
Jenna Lyons nga J.Crew, kardiganët dhe veshjet e së cilës Zonja e Parë i veshi shpesh përgjatë viteve, zgjodhi një shënim më artistik, ku ndër të tjera shkruan: “Faleminderit për mirësinë tuaj, Faleminderit për elegancën tuaj, Faleminderit për ngrohtësinë tuaj, Faleminderit për buzëqeshjen shkëlqyese, Faleminderit për gjithëpërfshirjen tuaj, Faleminderit për mbështetjen…. Faleminderit për gjithçka”.
Burimi: WWD
