Dy ditë më parë të gjithë u shokuan nga tmerri që përjetonin nxënësit e klasës së parë të shkollës “Skënder Luarasi”, nga dhuna fizike dhe psikologjike që ajo u ushtronte. Ndërsa dje u denoncua një tjetër fenomen i predikimit të idesë së palejueshme me ligj në shkollat shqiptare.
Emisioni “Stop” publikoi një video tronditëse, ku mësuesja e Medresesë e Shkodrës, Emine Alushi, u thotë nxënësve se ISIS është një organizatë e mirë që mbron popullin myslimanë të Sirisë, Palestinës apo Egjiptit, por që luftohet nga shteti. Ajo u bën thirrje nxënësve që mos t’u besojnë lajmeve që jepen për Shtetin Islamik dhe nuk mund të quhet një organizatë kriminale vetëm sepse vret njerëz, pasi fundja edhe agjentët e shërbimeve sekrete amerikane vranë Bin Ladenin.
Arsimtarja Emine Alushi u arrestua mëngjesin e së enjtes nga Policia e Shkodrës.
Biseda:
Nxënësja – Zysh, a ban me ta ba një pyetje? Dëgjova dje për punën e këtyre ISIS. Unë s’e kuptoj se… A janë myslimanë a ç’a janë? ISIS?
Mësuesja – Ça ISIS moj? Një organizatë myslimane, që do me i dhënë mbrojtje.
Nxënësja – Po.
Mësuesja – Popullit mysliman të Sirisë p.sh, apo të Palestinës, apo të Egjyptit. Po luftojnë për këtë vend.
Nxënësja – Domethënë janë të mirë?
Mësuesja – Dakord? Ata janë të mirë, po shteti do me i luftuar.
Nxënësja – Domethënë lajmet thonë, se janë të këqij.
Mësuesja – Tamam.
Nxënësja – Po, në të vërtetë janë të mirë.
Mësuesja – Po normal, lajmet do t’i besojmë na?
Nxënësja – O Zysh, me vra njerëzit, qenkan të mirë? Domethënë ata janë të mirë, se i vrasin njerëzit ë?
Mësuesja – Bukur! A dhanë atë lajmin e bukur që: O burra e vramë Bin
Ladenin?
Nxënësja – Po del, që Bin Ladeni ishte burrë i mirë a?
Mësuesja – Sa oficerë u vunë me vra Bin Ladenin?
Nxënësja – Po mirë zyshe, Bin Ladeni…
Mësuesja – Në 28 vetë, që kanë marrë pjesë në vrasjen e Bin Ladenit, 26 vetë janë vra… 26 e ka dhënë italiani, janë këta lajmet më reale.
Video në minutë 12.00
