Për të ka qenë një vit i lodhshëm, nëna e tij ndërroi jetë dhe martesa me Amber Heard mbaroi në mënyrën më të tmerrshme.
Mbrëmjen e së mërkurës, Johnny Depp zgjodhi eventin “People’s Choice Awards” për të falënderuar fansat e tij që e kanë mbështetur, ndërsa mori çmimin “Ikona e preferuar e filmit”, në Teatrin Microsoft në Los Angeles.
53-vjeçari pranoi çmimin në skenë, duke cilësuar se statuja ishte blu, para se të niste një fjalim emocionues.
“Erdha këtu për një arsye dhe vetëm një. Erdha këtu për ju, njerëzit, që pavarësisht kohëve të mira dhe të këqija më keni mbështetur dhe më keni besuar”, u shpreh aktori.
“Faleminderit. Ju më ftuat me mirësjellje këtu sërish sonte. E vlerësoj. Nuk e keni idenë se sa shumë e vlerësoj. U ndikova kaq shumë nga mirësia e vlerësimit tuaj dhe urimet tuaja për mua dhe familjen time”, tha Johnny Depp me zërin e emocionuar.
Aktori 53-vjeçar vijoi më tej fjalimin e tij: “Arsyeja pse është kaq domethënëse për mua të jem këtu para jush është për të thënë faleminderit dhe t’ju thosha se e ndjeja vërtetë nevojën për t’ju falënderuar. Sepse ne të gjithë e dimë, veçanërisht unë, që nuk do të isha këtu nëse nuk do të ishte për ju”.
Burimi: Daily Mail
