Pavarësisht se ka kaluar mbi 10 vite pas dhënies për adoptim të së bijës, për të nuk ka qenë aspak e lehtë të jetonte me këtë brengë.
Nëna biologjike e vajzës së adoptuar në Etiopi të Angelina Jolie-s, Zahara, ka bërë një lutje të ndjerë ndaj aktores: “Të lutem, vetëm më lër të flas me vajzën time!”.
Mentewab Dawit Lebiso, e cila jeton në varfëri të skajshme, tha për “Daily Mail” se është e dëshpëruar që të jetë pjesë e jetës së vajzës së saj 12-vjeçare dhe madje kërkon nga Jolie që të marrë kujdestarinë e saj, tani që aktorja u nda nga Brad Pitt.
Lebiso ëndërron që një ditë të takohet me Zahara-n, por do të mjaftohej edhe nëse do t’i jepej mundësia që t’i dëgjonte zërin.
“Unë thjesht dua që ajo të di se jam gjallë dhe këtu dhe në pritje që të flas me të. Nuk e dua që ajo të vijë të jetojë me mua, por mjafton të jem në kontakt dhe të kem mundësi ta telefonoj dhe të flas me të. Angelina ka qenë më shumë se një nënë për të. Ajo ka qenë me të që kur lindi, por kjo s’do të thotë se unë nuk e dua. Më mungon vazhdimisht. Mendoj për të dhe trishtohem kur mendoj se nuk mund ta festojmë bashkë ditëlindjen e saj”, thotë Lebiso, e cila tashmë jeton në Etiopi.
Mentewab Dawit Lebiso mbeti shtatzënë pasi u përdhunua dhe e mbajti fillimisht vajzën, të cilën e quajti Yemasrech, që do të thotë “Lajm i mirë”, por luftoi të bënte para dhe më pas u arratis, duke e lënë atë me nëna e saj Almaz Elfneh. 31-vjeçarja Lebiso, e cila mundohet të mbijetojë me paratë që fiton, nuk ka bërë më fëmijë.
Angelina Jolie zbuloi atëherë se, i ishte thënë që nëna e Zahara-s kishte vdekur nga SIDA, kur e adoptoi në 2005-n, por në fakt nëna e saj ishte gjallë. Ajo tha se vogëlushja vuante nga dehidratimi dhe kequshqyerja kur e adoptoi.
Burimi: Daily Mail
