Këngëtari Sajmir Çili, i cili pak kohë më parë u vu në qendër të mediave për konfliktin me ish-bashkëshorten Suela Kalaja, ka rrëfyer për herë të parë për këtë ngjarje publikisht.
I ftuar në programin “Rudina” pasditen e djeshme, Ҫili tha se me këtë histori është abuzuar shumë mediatikisht. I pyetur nga Rudina si është e vërteta e divorcit, ai tha:
“Përpos faktit të emocioneve të mia personale, familjare, “gazetarët” në këtë rast, kanë dezinformuar me lajme që nuk janë të dobishme në jetën sociale të personit që e përjeton këtë gjë. Disa gazetarë kanë keqinformuar, duke futur edhe vajzën time të mitur në mes. Për mua familja është e shenjtë dhe e ruaj privatësinë. Gazetarët kanë dezinformuar në shumë fakte…”, tregon Ҫili i cili shprehet se me disa gazetarë mund të merren edhe organet kopetente.
Megjithatë, ai pranon se divorci mes tij dhe Suela Kalasë ka përfunduar prej kohësh: “Divorci ka përfunduar, është një lajm që tashmë është bërë publik…” – tha ai pa dashur të japë më shumë detaje për marrëdhënien e tij. I pyetur se me kë rri vajza e tij Isea, Ҫili tha se tashmë është një vendim që është marrë dhe që dihet, por përpjekja e tij është maksimale që vajza ta shijojë fëmijërinë e saj: “Nuk doja të dilja në këtë pikë… është një detaj që është vendosur tashmë dhe që dihet…”/Class/
