Çmimet "Golden Globes", ja kush film triumfoi këtë vit

Filmi muzikal “La La Land” theu rekordet për numrin më të madh të çmimeve “Golden Globe” të fituara këtë vit.

Ai fitoi në çdo kategori në të cilën u nominua në plot shtatë kategori, përfshirë edhe muzikalin më të mirë apo filmin komedi, plus edhe trofetë për aktorët Emma Stone dhe Ryan Gosling. Filmi fitoi edhe çmimin për producentin më të mirë, skenarin dhe këngën më të mirë.

Lexo edhe :

Çfarë ndodh nëse kafsha juaj shtëpiake ha avokado?

15:37 10/12/25

S’donte të vihej re! Bad Bunny surprizon në mundje me maskën e Misticos

15:22 10/12/25

Filmi “Moonlinght” u cilësua si drama më e mirë, ndërsa Casey Afflek dhe Isabel Huppert morën çmimet e tjera për aktorët. Afflek u cilësua aktori më i mirë në një film dramë për rolin e tij në “Manchester By The Sea” dhe ylli francez Isabelle Huppert ishte fituesja surprizë e çmimit për aktoren më të mirë në një film dramatik.

Performanca e saj në thrillerin “Elle”, që po ashtu u cilësua filmi i huaj më i mirë, bëri që të mbeteshin pas një numër konkurrentësh, përfshirë edhe Natalie Portman, e cila ishte konsideruar si favorite për rolin e Jackie Kennedy në filmin “Jackie”.

Viola Davis u cilësua aktorja më e mirë mbështetëse për rolin e një gruaje në Pitsburgun e viteve ‘50, në filmin “Fances”, një rol që ajo e ka luajtur fillimisht në Broadway, 6 vjet më parë. Ndërsa në një zgjedhje surprizë, aktori britanik Aaron Taylor u përzgjodh si aktori më i mirë mbështetës për rolin e tij në “Nocturnal Animals”.

“Zootopia” u shpall filmi më i mirë i animuar në ceremoninë e së dielës që u drejtua nga Jimmy Fallon. Monologu i hapjes i komedianit ishte më pak i ekzagjeruar se ai i paraardhësve të tij, por sidoqoftë, nuk u evitua nxjerrja në dritë e vitit të mbushur me ndasi në politikën amerikane. Ai bëri shaka duke thënë se ceremonia e “Golden Globe” ishte një nga të paktat vende të mbetura, ku Amerika vazhdon të respektojë votën popullore, një referencë kjo për Donald Trump, i cili mundi Hillary Clinton në zgjedhje.

Ndërsa filmin “Manchester By The Sea” ai e cilësoi si të vetmen gjë më depresuese se viti 2016. Në ceremoni pati disa referime ndaj Donald Trump, pasi edhe Meryl Streep sulmoi Presidentin e zgjedhur ndërsa merrte çmimin “Cecil B Demille” për kontributin e dhënë në aktrim. Ajo iu referua ngacmimit nga ana e Trump të një reporteri me aftësi të kufizuara, duke thënë se “mosrespekti nxit mosrespekt, dhuna nxit dhunë. Dhe kur të fuqishmit përdorin pozicionet e tyre për t’u tallur me të tjerët, ne humbasim të gjithë”.

Fituesit e çmimeve “Golden Globes”

Performanca më e mirë nga një aktore në filmin Dramë

Isabelle Huppert (Elle)

Performanca më e mirë nga një aktor në filmin Dramë

Casey Affleck (Manchester By The Sea)

Performanca më e mirë nga një aktor në filmin Musikal ose Komedi

Ryan Gosling (La La Land)

Performanca më e mirë nga një aktore në filmin Musikal ose Komedi

Emma Stone (La La Land)

Skenari më i mirë

La La Land

Kënga më e mirë