Shqipëria është mbërthyer nga i ftohti arktik, ndërsa dje për herë të parë pas shtatë vitesh bora përfshiu Durrësin dhe Tiranën. Më të pambrojturit në këtë kohë mbeten endacakët ose të pastrehët.
Ndaj për t’iu ardhur në ndihmë atyre kryebashkiaku i Fierit, Armando Subashi, u ka bërë thirrje qytetarëve të ndihmojnë të pamundurit që u rrezikohet jeta nga të ftohtit. Në një mesazh drejtuar qytetarëve nga rrjetet sociale, Subashi shkruan:
“Temperaturat e ditëve të fundit, të cila pritet të ulen akoma më shumë nën zero gradë, mund të jenë fatale për jetën e ndonjë personi të pastrehë, apo të braktisur që endet nëpër rrugë. të gjithë bashkë mund të tregohemi të vëmendshëm për të evituar qoftë edhe një incident të vetëm. Në rast se ju keni dijeni, ose konstatoni ndonjë person të tillë, do t’ju lutesha të njoftonit zyrën e emergjencës civile në bashkinë Fier nëpërmjet këtij numri telefonik (0697279752). Më pas do të kujdesemi ne për strehim dhe ushqim. I kemi marrë të gjitha masat. Telefonata juaj dhe kujdesi ynë mund të shpëtojnë një jetë në rrezik”.
Këtë veprim ne ju ftojmë që na bëni në nga çdo qytet i Shqipërisë ku jetoni.
