“Forbes” publikoi listën e përvitshme të “sipërmarrësve dhe inovatorëve” më të mëdhenj, të moshës nën 30-vjeçare dhe ne padyshim që njohim pjesën më të madhe të emrave.
Kylie Jenner, 19 vjeç, Margot Robbie, 26 vjeç, Evan Rachel Wood, 29 vjeç, Hillary Duff, 29 vjeç, Samira Wiley, 29 vjeç dhe Elle Fanning, 18 vjeç, janë në mesin e 600 të nderuarve, që u bënë pjesë e listës. Të gjithë janë nën 30 vjeç, por vetëm njëra është nën 20 vjeç.
Jenner, njihet për suksesin e linjës e saj të bukurisë “Kylie Cosmetics”, në kategorinë “Shitjeve me pakicë dhe E-commerce”, ndërsa ndiqet nga themelues si, Lauren Kassan me “The Wing” dhe Amber Venz Box me “LikeToKnowIt”. Buzëkuqet e saj, që shiten me 29 dollarë secili, e bën adoleshenten personin e dytë që fitonte më shumë në familjen e saj pas Kim Kardashian.
Mes emrave të njohur është dhe aktorja Margot Robbie, e cila pati një vit të rëndësishëm falë punës së saj në filmat “The Legend of Tarzan” dhe “Suicide Squad” dhe kompanisë së saj të produksionit “LuckyChap Entertainment”.
Pjesë e listës është edhe Hillary Duff me rolin e saj në “Younger” dhe albumit të saj të ardhshëm të gjashtë.
Industria e muzikës përfshinte shumë artistë të rinjtë, që dominuan: Daya, 18 vjeç, Desiigner, 19 vjeç, Alessia Cara, 20 vjeç, Lil Yachty, 19 vjeç, Troye Sivan, 21 vjeç, Justine Skye, 21 vjeç, Tory Lanez, 24 vjeç dhe Dreë Taggart i grupit The Chainsmokers, 27 vjeç.
Por lista nuk është vetëm për yjet, ka edhe shumë persona që qëndrojnë në prapaskenë si, drejtori kreativi i The Weeknd, La Mar Taylor, 26 vjeç dhe tekstshkruesja e Rihanna-s, 22-vjeçarja Bibi Bourelli.
Kliko këtu për listën e plotë.
Burimi: Harper’s Bazaar
