“Atje ku është nëna është dhe butësia”. Kështu tha Papa Françesku në meshën e parë për vitin e ri, dedikuar tërësisht Marias dhe paqes.
“Me Maria-n, Zoti-fëmijë mësoi të dëgjojë engjëjt, ankthet, gëzimet dhe shpresat e popullit të premtuar. Me Të zbuloi veten si bij i popullit të shenjtë të Zotit”, tha Papa.
Për Papën nënat janë antidoda më e fortë kundër tendencës individualiste dhe egoiste, kundër mbylljes dhe apatisë sonë. “Një shoqëri pa nëna do të ishte një shoqëri e ftohtë, një shoqëri që ka humbur zemrën dhe ka humbur “shijen e familjes”, vijoi më tej Ati i Shenjtë.
