Të gjithë mbetëm pa fjalë kur “The Simpsons” parashikoi zgjedhjen e presidentit Donald Trumpit. Në fakt, profetizimet e fshehura në serialin aq të dashur vizatimor për vitin 2016 janë befasuese.
Në episodin “Barti në të ardhmen”, djaloshi udhëton në një kohë tjetër ku e gjen të motrën, Lisën, në pozitat e të parës presidente femër të Shteteve të Bashkuara tw Amerikës.
The Simpsons updates its 2000 prediction of a Trump Presidency… #TheSimpsons pic.twitter.com/Myf5rYb9Dj
— The Simpsons (@TheSimpsons) November 14, 2016
Modeli i saj i flokëve nuk e bën të vështirë heqjen e paraleleve me Hillary Clintonin. Lisa shfaqet aty e shqetësuar nga barra gjigande financiare që i ka lënë presidenti i mëparshëm, i cili në këtë seri, rezultonte të ishte pikërisht Trumpi.
Është e qartë se frymëzimi i artistit islandez, Ragnar Kjartansson, për skulpturën e tij të quajtur “Një kumbull e vetme” buron nga shfaqja e Yoko Ono’s në një episod të “The Simpsons” në vitin 1993 ku e veja e John Lenonit hyn ne klubin e Mo-së e i kërkon baristit një kumbull që lundron në parfum, të shërbyer në një kapele meshkujsh.
Krijuesit e serialit të famshëm satirizues kishin parashikuar po kështu dhe tre vdekje që tronditën botën e artit sivjet: atë të David Bowie, Alan Rickman dhe Prince.
Bob Dilan rrëmbeu vëmendjen me shpalljen laureat i “Nobelit të paqes”, por në vitin 2010, “Simpsons” parashikuan saktësisht një tjetër fitues të 2016-s: atë të “Nobelit të ekonomisë”, Bengt R. Holmstrom.
Holmstrom fitoi saktësisht siç e parashihte Lisa me miqtë e saj, edhe pse çmimin ne realitet e ndau me Oliver Hart për kontributin e dhënë në “Teorinë e kontratave”.
Burimi: Indy100
