Ikona e ekranit, Debbie Reynolds, 84 vjeç, nuk duroi dot humbjen tragjike të së bijës, duke u ndarë nga jeta një ditë pas saj. Lajmi pikëllues vjen vetëm një ditë pasi aktorja 60-vjeçare Carrie Fisher ndërroi jetë pas një ataku në zemër.
Reynolds ishte në shtëpinë e bijës së saj Fisher, kur u dërgua me urgjencë në spital pas një ataku të mundshëm pasditen e së mërkurës, konfirmon “People”.
Në çastet e fundit të jetës, kërkoi të ishte pranë saj. “Më mungon shumë. Dua të jem me Carrie-n.”, mësohet të ketë thënë Reynolds.
Të martën, Reynolds përdori mediat sociale për të falënderuar fansat për mbështetjen e tyre në prag të vdekjes së të bijës.
“Faleminderit të gjithë që përqafuan dhuratat dhe talentet e vajzës sime të dashur dhe të mrekullueshme. Jam mirënjohëse për mendimet dhe lutet tuaja që po e udhëheqin në ndalesën e radhës”, shkruhej në mesazhin prekës të Debbie Reynolds.
Në mesin e legjendave të fundit nga mosha e artë e Hollivudit, Reynolds, një aktore, këngëtare, valltare, sipërmarrëse, humanitare dhe historiane, ka arritur famën që ishte më e madhe se pjesët në të cilat ka luajtur, nga “Singin ‘in the Rain” për rolin e saj në prapaskenë në një nga më të skandalet më të famshme në historinë e celebrities, kur bashkëshorti i saj, Eddie Fisher, e la atë për shoqen e saj, Elizabeth Taylor.
Reynolds kishte një nga ato historitë klasike të zbulimit të Hollivudit. Lindur Teksas ajo u zhvendos me familjen rreth moshës 7-vjeçare në Burbank, Kaliforni. Ajo mori pjesë në konkursin e bukuisë “Miss Burbank”, kur Reynolds ishte 16 vjeç, një zbulues talentsh nga “Warner Bros” e zbuloi dhe nënshkroi një kontratë me studion.
E pyetur se cila ishte pika e kthesës në karrierën e saj, Reynolds tha për “People” në vitin 2011: “Fitorja e kësaj gare, e cila ishte e pazakontë. Kostumi ime erdhi nga Ushtria e Shpëtimit … nuk kisha takë të lartë. Atje kishte zbulues talentesh dhe mendonin se unë isha një fëmijë i vogël qesharak. Ata më morën te “Warner Brothers” dhe u nënshkrova”.
Burimi: Instyle
