2016-ta e riktheu në koncert Adele-n! Këngëtarja rrëmbeu shumë çmime dhe mblodhi shumë të ardhura gjatë 2016-s, falë turneut të saj si edhe albumit, i cili pushtoi majat e klasifikimeve. Kështu që fundi i vitit nuk mund të mbyllej për Adele pa këtë vlerësim pasi ajo është shpallur për herë të tretë “Artistja e Vitit” nga “Billboard”.
28-vjeçarja është vlerësuar me këtë titull falë shitjeve dhe transmetimeve të albumit të saj të famshëm “25”, i cili dominoi çartet muzikore për më shumë se një vit.
Fama e Adele është rritur ende më shumë këtë vit, ku këngëtarja ka mundur të realizojë 107 koncerte brenda 10 muajve. Turneu i saj do të vijojë gjithashtu edhe në 2017, ku këngëtarja e hitit “Hello” do të performojë në Australi dhe Zelandën e Re në muajin shkurt dhe mars.
Ajo do ta mbyllë turneun e saj me 4 koncerte në Wembley Stadium në muajin qershor dhe korrik, të cilat i ka quajtur “The Finale”.
