Shumica e njerëzve bëjnë foto në ditën e martesës për ta përkujtuar atë. Nusja e re Margot Robbie e bëri këtë dhe diçka të përhershme, që miqtë e saj të mos e harrojnë kurrë ceremoninë e së hënës së kaluar.
Aktorja u “dhuroi” atyre një tatuazh me inicialet “XIX”, një referencë për datën e martesës së saj dhe Tom Ackerley më 19 dhjetor.
Mikja e Robbie, Isabella Kerr, e dokumentoi këtë moment me një postim në “Instagram”.
Robbie bleu një aparat për bërjen e tatuazheve gjatë xhirimit të filmit “Suicide Squad” dhe po u bën prej muajsh njerëzve tatuazhe. “Nuk e di se si janë rregullat, por ju mund të blini një të tillë në “eBay”. Kam bërë rreth 50 tatuazhe deri tani”, tha ajo në korrik për Jimmy Fallon.
Burimi: Harper’s Bazaar
