Këngëtarja Jennifer Lopez, 47 vjeç dhe reperi Drake, 30 vjeç, kanë konfirmuar se janë në një lidhje. Një foto e çiftit u publikua sot në orët e para të mëngjesit, pa asnjë koment.
Megjithatë, fakti që çifti ishin shumë pranë njëri-tjetrit të përqafuar është i mjaftueshëm për të pohuar se JLo dhe Drake janë çifti më i ri i showbiz-it.
Fotoja romantike u publikua nga 47-vjeçarja, mama e dy fëmijëve, e cila dukej shumë komforte dhe e afeksionuar në krahët e reperit me sytë e mbyllur.
E para që ka reaguar ndaj kësaj lidhjeje ka qenë Rihanna, e cila që pas fundjavës i ka bërë unfollow rivales së saj. Jennifer dhe Rihanna janë shoqe për një kohë të gjatë pavarësisht se kanë 19 vjet diferencë në moshë.
Në fillim të vitit 2016, bukuroshja nga Barbados i dha J.Lo një palë këpucë nga koleksioni i saj pas bashkëpunimit me Manolo Blahnik.
Në një shënim të shkruar me dorë, Rihanna e quante Jennifer-in “baddest”. Jlo i veshi këpucët në videoklipin “I’ain’t your mama”, dhe Riri e falënderoi për gjestin dhe mbështetjen që i dha.
Por me sa duket, shoqërisë së tyre i erdhi fundi, dhe pasi Rihanna bëri “unfollow” Drake në Instagram, tashmë ajo është hakmarrë edhe ndaj mikes, JLo.
