Postimi i hitit “Bonbon” të Era Istrefit nga reperi amerikan P Diddy në profilin e tij në Facebook, bëri bujë dje në mediat shqiptare.
“ICONstyle” zbuloi se publikimi i hitit të këngëtares shqiptare ishte bërë më datë 25 dhjetor, ditën e Krishtlindjes. Por ndërkohë që mediat shqiptare shkruajnë sot se reperi e ka fshirë videon e Era Istrefit dhe “është penduar” që e ka publikuar, e vërteta është ndryshe.
Videoja ende ekziston në profilin e reperit dhe fansat vijojnë me komentet e tyre mbi këngëtaren. Pak minuta më parë “ICONstyle” komentoi në postimin e Diddy-t që është bërë më datë 25 dhjetor 2016.
Publikimi i “Bonbon” në profilin e Diddy-t është pritur mirë nga fansat e tij, të cilët e krahasojnë Erën me Rihanna-n. Një tjetër madje i kërkon Diddy-t që ta bëjë remix këngën e Erës, ndërsa fansat e tij shqiptarë e falënderojnë për publikimin e këngës.
