Blerina, motra e Gjestit, i ka dhënë fund beqarisë duke u fejuar, një lajm që ka tërhequr vëmendjen e fansave në rrjete sociale.
Prej kohësh ajo kishte zgjedhur të qëndronte larg vëmendjes publike, duke u tërhequr nga rrjetet sociale për të gjetur qetësi. Megjithatë, kontaktin me ndjekësit e ka ruajtur përmes Snapchat-it, ku së fundmi ka ndarë momente të veçanta nga jeta e saj personale.
Lajmi për fejesën u konfirmua pikërisht nga fansat e Gjesti-t, të cilët i kishin dërguar një buqetë me lule dhe një letër urimi. Blerina vendosi ta ndajë këtë moment me publikun, duke zbuluar kështu një kapitull të ri në jetën e saj. Edhe pse tashmë nuk e fsheh unazën, ajo vazhdon të mbajë partnerin larg vëmendjes, pa zbuluar detaje mbi identitetin e tij.
Nga ana tjetër, ndërsa motra po përjeton një moment të rëndësishëm personal, Gjesti duket se po përgatitet për një rikthim të fuqishëm në muzikë. Një postim enigmatik në një studio, ku ai shfaqet i etiketuar së bashku me DJ Gimbo dhe label-in “Three60”, ka shtuar dyshimet për një projekt të ri.
Sipas burimeve nga “Prive By Liberta Spahiu”, artisti po punon intensivisht për një EP të re me pesë këngë, që pritet të shënojë rikthimin e tij më të fortë në skenë.
