Genard dhe Sonida Hajdini, vëlla e motër të njohur për praninë e tyre të vazhdueshme dhe shpeshherë virale në rrjetet sociale, janë shtruar sërish në Spitalin e Psikiatrisë. Lajmi është bërë publik nga vetë Genardi, i cili ka ndarë një video nga ambientet e spitalit, duke tërhequr menjëherë vëmendjen e ndjekësve dhe opinionit publik.
Në videon e publikuar, ai i drejtohet familjarëve të tij, duke bërë të ditur se këtë herë është shtruar bashkë me motrën, Sonidën. Me një ton që përzien seriozitetin dhe ironinë, Genardi shprehet:
“Teze Meze, shiko ku jam te psikiatria, na futën prapë edhe mua edhe Sonidën. Futën Sonidën më tepër të kuronin atë, por edhe me këtë rast më thanë të kujtojmë edhe ty. Çfarë halli kam unë, unë jam më rregull vetëm se i mëshoj ‘Instagramit’.”
Kjo situatë vjen pas një periudhe të trazuar për dyshen, të cilët së fundmi u përfshinë në një tjetër skandal në rrjetet sociale. Genardi publikoi disa pamje intime të motrës së tij, Sonidës, një veprim që shkaktoi reagime të forta dhe shqetësim të madh tek publiku. Shumë përdorues të rrjeteve sociale ngritën pikëpyetje mbi gjendjen emocionale dhe psikologjike të tyre, duke kërkuar ndërhyrje dhe mbështetje profesionale.
Rasti ka hapur sërish diskutime mbi kufijtë e përdorimit të rrjeteve sociale, privatësinë dhe rëndësinë e shëndetit mendor, sidomos kur bëhet fjalë për personazhe që janë vazhdimisht në vëmendje publike.
