Pas disa muajsh nga skandali i bujshëm i “kiss cam” në koncertin e Coldplay, ish-drejtoresha e burimeve njerëzore, Kristin Cabot, ka vendosur të flasë publikisht për herë të parë. Në një intervistë me Oprah Winfrey, ajo ndau detaje të reja si për jetën e saj personale, ashtu edhe për situatën që mori përmasa virale në rrjetet sociale.
Një nga zbulimet më të papritura ishte fakti se ish-burri i saj, Andrew Cabot, ndodhej gjithashtu në të njëjtin koncert atë natë, i shoqëruar nga partnerja e tij.
Sipas Cabot, në atë periudhë të dy po kalonin një fazë ndarjeje nga partnerët respektivë, ndaj ajo nuk e konsideronte situatën problematike.
“A e dija që im shoq ishte në koncert me të dashurën e tij. Vajza ime më njoftoi me një mesazh dhe atëherë e kuptova që ai ishte aty. Mendova se mund të ishte e sikletshme nëse do të na shihte, por stadiumi është shumë i madh dhe besoja se nuk do të përballeshim,” u shpreh ajo.
Ngjarja u bë virale në korrik të vitit të kaluar, kur Cabot u kap nga kamera në krahët e Byron gjatë koncertit. Momenti u komentua edhe nga këngëtari i Coldplay, Chris Martin, i cili bëri shaka duke aluduar për një “romancë të mundshme”.
