Pas disa orësh i arrestuar për përfshirjen në dosjen Epstein, ish-prindi Andrew është liruar nga burgu.
Policia ka dhënë një përditësim lidhur me hetimin për veprën penale të “sjelljes së keqe në detyrën publike”, ndërsa Andrew u fotografua duke dalë nga një stacion policie pas arrestimit të tij.
“I arrestuari është liruar tashmë”, thuhet në njoftim.
Autoritetet konfirmuan gjithashtu se kontrollet e kryera në Norfolk kanë përfunduar, ndërsa kërkimet në Berkshire vijojnë.
Ish-princi britanik, Andrew Mountbatten Windsor u arrestua ditën e sotme nën dyshimin për shpërdorim detyre, në ditën e tij të lindjes, pasi sot mbushte 66-vjeç.
Andrew Mountbatten-Windsor është anëtari i parë anëtar i lartë i familjes mbretërore në historinë moderne që arrestohet. Bastisja e policisë vjen pas publikimit të email-eve nga Departamenti i Drejtësisë i SHBA-ve, të cilat duket se tregojnë se ish-duka ka ndarë raporte nga vizita zyrtare në Hong Kong, Vietnam dhe Singapore.
Një email, i datës nëntor 2010, duket se është përcjellë nga Mountbatten-Windsor vetëm pesë minuta pasi ishte dërguar nga këshilltari i tij i atëhershëm special, Amir Patel. Një tjetër, në prag të Krishtlindjes 2010, duket se i dërgon Jeffrey Epstein një dokument konfidencial mbi mundësitë e investimit në rindërtimin e provincës Helmand Province, në Afghanistan.
