“Duhet të punosh shumë shumë fort, jo vetëm për muzikën, por për çdo gjë që bëni në jetë”. Kshtu shprehet këngëtarja shqiptare Dua Lipa në një film-dokumentar të prodhuar nga The Fader dhe YouTube.
“Unë nuk mendoja që do ta arrija një karrierë si kjo në jetën time”, vazhdoi ajo. Duke qenë vajza e një muzikanti, Dua Lipa u rrit e rrethuar nga muzika, e frymëzuar nga Christina Aguilera, Stereophonics dhe Robbie Williams.
Në moshën 15-vjeçare, ajo filloi të postonte video në YouTube dhe të tregonte zërin tepër të fuqishëm. Por kalimi nga dhoma e saj e regjistrimit në studio nuk është gjithmonë i lehtë. “Unë kam pasur ulje dhe ngritje duke u përpjekur për të gjetur veten time”, tha ajo.
Në dokumentarin e shkurtër të titulluar “See in Blue”, Dua Lipa tregon veten e saj të re, për të cilën ka punuar fort për ta arritur.
Duke ngulmuar në muzikë autentike dhe e ndikuar nga preferencat e J. Cole dhe Nelly Furtado, ëndrrat e saj për të bërë një album pop që e përcakton atë si një artiste janë realizuar. Dokumentari i mëposhtëm shfaq rrugëtimin dhe peripecitë e këngëtares deri në arritjen e famës botërore.
