Kjo ngjarje na kujton tragjedinë që ndodhi në Nisë, në 14 korrik të këtij viti. E njëjta masakër, e menduar me të njëjtat mjete, u shënua mbrëmjen e së hënës në Berlin, të Gjermanisë.
Kamioni që hyri në një merkatë Krishtlindjesh në Berlin shkaktoi sërish terror, ndërsa bilanci i deritanishëm numëron 12 viktima dhe 48 të plagosur. Një azilkërkues pakistanez mendohet se përdori kamionin për të kryer masakrën.
23-vjeçari i maskuar Naved B, i cili hyri në shtetin gjerman me emër fals, uli dritat e kamionit para se të hynte mes turmës, e cila po shijonte kohën e lirë të darkës.
Kamioni i ngarkuar me shufra çeliku u përplas në treg rreth orës 20:15 të së hënës, kur zona ishte plot me vizitorë. Ekspertët thonë se bilanci tragjik mund të kishte qenë shumë më i rëndë, por ngarkesa e madhe e kamionit dhe terreni jo i përshtatshëm, bënë që ai të ndalej për rreth 50 metra.
Mësohet se drejtuesi i mjetit u kap pak minuta pas ngjarjes, ndërsa përpiqej të arratisej në këmbë. Ai u pikas nga një dëshmitar okular, i cili e ndoqi pas dhe lajmëroi policinë që ndërhyu me shpejtësi.
Burimi: Daily Mail
