Televizioni publik gjerman rikthen 50 vite pas suksesit të parë, aventurat e “Winnetou”, një nga prodhimet më të suksesshme dhe më të ndjekura të kinematografisë gjermane. Krijuesit e saj, ia besuan protagonistin kryesor, aktorit shqiptar Nik Xhelilajt, të cilin regjisori Philip Stolzl e quan ylli i shndritshëm ndërkombëtar.
Xhirimet janë zhvilluar në Kroaci. Filmi në tre pjesë do të shfaqet nga data 25 dhjetor në RTL dhe aventurat bazohen në romanet e Karl May.
Aktori shqiptar ka mbushur të gjitha gazetat gjermane me intervista e portrete, të cilat janë një marketing si për Nik Xhelilaj, ashtu edhe për vendlindjen e tij.
Xhelilaj u njoh fillimisht në Gjermani përmes filmit “Der Albaner”.
