Martesa mes dy këngëtarëve Suela Kalaja dhe Saimir Çili ka përfunduar me një denoncim në polici për ushtrim dhune.
Suplementi “Vip Pages” ka zbuluar sot historinë e krizës së dyshes, që ka kulmuar në muajin gusht të këtij viti. Prej kohësh ata ishin në një proces divorci dhe kishin ulje e ngritje në marrëdhënien e tyre, mirëpo në korrik është dashur ndërhyrja e forcave të policisë.
Këta të fundit, pas një telefonate, janë drejtuar për në shtëpinë e çiftit, ku i kanë gjetur në mes të një konflikti. Në prani të forcave të rendit, këngëtarja ka goditur Çilin me shpulla dhe ky i fundit ka kërkuar urdhër mbrojtjeje. Ndërkohë që janë në proces divorci, Suela Kalaja tashmë po përballet dhe me akuzën për dhunë në familje, të ngritur nga prokuroria.
Nga ana tjetër edhe Kalaja ka kërkuar urdhër mbrojtjeje për vete dhe vajzën, por kantautori ka pranuar para gjykatës se do jetojë në studion e tij deri në përfundim të procesit.
