Flija, është regjistruar si Specialitet Tradicional i Garantuar.
“Regjistrimi i FLI-së si produkt STG, Specialitet Tradicional i Garantuar. Kjo ngjarje shënon hapin e parë drejt regjistrimit të FLI-së si pjesë e trashëgimisë sonë kulinare, duke ruajtur recetën autentike”, shkruan kryeministri i vendit Edi Rama.
Flija e Kukësit ka kaluar testet e verifikimit të përputhshmërisë për treguesit gjeografikë, emërtimin e origjinës dhe traditës, për të marrë kështu logon kombëtare dhe prezantimin e tij në treg si “Specialitet Tradicional i Garantuar”.
Ekspertë të bujqësisë dhe donatorë të fushës, organizuan një aktivitet të veçantë mbi fli-në, tek një bujtinë në Kukës, për të promovuar turizmin rural dhe trashëgiminë lokale.
