Ish-miss Shqipëria, Suada Sherifi na ka prezantuar me vajzën e saj. Pak muaj pas lindjes ajo ka shfrytëzuar atmosferën e festave të fundvitit për të publikuar një foto me vogëlushen e veshur si babagjyshi i Vitit të Ri.
“Deizi! Një top dashurie që rritet përditë e më shumë! Falënderoj shumë miken Rezarta Shkurta, që ndal çastet më të bukura për t’i pasur kujtim gjithë jetën”, shkruan bukuroshja brune.
Deizi është vajza e parë e ish-Miss Albania-s, e cila ka ardhur në jetë nga marrëdhënia disa vjeçare e Suadës me një biznesmen në Tiranë. Çifti ka shpallur prej kohësh fejesën, ndonëse ende nuk kanë realizuar një ceremoni martesore, që pritet të bëhet vitin e ardhshëm.
