Një moment tensioni është regjistruar gjatë etapave të fundit të Giro d’Italia, ku një protestues nga grupi ambientalist ProPal është hedhur papritur në rrugën ku kalonin çiklistët, duke rrezikuar seriozisht sigurinë e garuesve.
Megjithatë, çiklistët arritën ta shmangnin përplasjen vetëm për një fije sekonde, pa krijuar momente të papërshtatshme.
Pamjet e ngjarjes janë bërë virale në mediat italiane dhe rrjetet sociale, duke rikthyer në qendër të debatit sigurinë e eventeve sportive dhe përdorimin e tyre si skenë për protesta politike apo sociale.
Një situatë e ngjashme u regjistrua edhe në Shqipëri, ku gjatë fazave të para të Giro d’Italia, një qytetar kaloi barrierat e sigurisë dhe u përplas me një nga garuesit.
