Nuk është vetëm zemra që gëzohet kur i bëjmë një dhuratë mikut më të mirë – edhe shëndeti përfiton. Sipas disa studimeve të fundit, bujaria ndaj të tjerëve, veçanërisht ndaj një personi të dashur, mund të ndikojë drejtpërdrejt në mirëqenien tonë fizike dhe emocionale.
Një prej tyre, publikuar në Health Psychology, tregoi se të moshuarit me tension të lartë që shpenzonin para për të tjerët përjetonin përmirësim të ndjeshëm në shëndet – efekte të krahasueshme me ato të trajtimeve mjekësore apo aktivitetit fizik.
Ndërkohë, një tjetër studim i revistës Science zbuloi se njerëzit ndiheshin më të lumtur kur shpenzonin për të tjerët sesa për veten.
Në thelb, sa herë që bën diçka të mirë për dikë që do – sidomos për mikun më të ngushtë – nuk po përmirëson vetëm marrëdhënien… por edhe cilësinë e jetës tënde. Thënë thjesht: bujaria shëron.
