Nëse ke vënë re që po hash darkë pas orës 9 të mbrëmjes, nuk je i/e vetme. Ky trend po bëhet gjithnjë e më i zakonshëm, sidomos te të rinjtë dhe ata me rutinë të ngarkuar. Në TikTok dhe Instagram, videot me titra si “darka ime në orën 22:30” janë kthyer në normë, ndërsa tavolinat e mbushura vonë në mbrëmje po shihen gjithnjë e më shumë si një moment i shenjtë i relaksit.
Por nutricionistët tërheqin vëmendjen: ngrënia e darkës vonë mund të ndikojë në cilësinë e gjumit, tretje dhe madje edhe në shtimin në peshë. Trupi ka një orë të brendshme që pret ushqim më herët, dhe kur e shtyjmë darkën, e vëmë në “krizë kohe”.
Nga ana tjetër, për shumë njerëz, darka është i vetmi moment i ditës për të qenë me veten apo me ata që duan – dhe kjo peshon më shumë se çdo rregull diete.
Dilema mbetet: të dëgjosh orën biologjike apo të gëzosh pa faj momentin tënd të mbrëmjes?
