Kur flitet për parfumet, nuk ka erë më ikonë dhe të dashur se sa “Chanel No. 5”. Ka qenë ajo që mbante Marilyn Monroe dhe një nga aksesorët esencial të femrave parisiane, por tani mund të ndryshohet përgjithmonë pas diçkaje që nuk mund të kontrollohet.
Një linjë e re hekurudhore e propozuar mund ta detyrojë Chanel të heqë parfumin historik, nëse planet vazhdojnë. Rrjeti hekurudhor francez SNCF ka planifikuar të krijojë një hekurudhë miliarda dollarëshe nga Marsejë për në Nisë ,për të shkurtuar kohën e udhëtimit. Problemi i vetëm është se linja e propozuar mund të ndërtohet përmes fushave me lule të Chanel, që përdoren për të realizuar parfumin No. 5.
Marka ikonë franceze është shumë e shqetësuar: “Ndërtimi i një urë-rruge dhe kalimi i rregullt i trenave me shpejtësi të lartë mbi këto fusha me lule do të detyrojë kompaninë të ndërpresë mbështetjen e aktivitetit artizanal në këtë rajon”.
Chanel e përshkroi fushën si “të domosdoshme për krijimin e parfumit”, veçanërisht pasi çdo shishe 30ml e No 5. kërkon 12 trëndafila Maji dhe 1000 lule jasemini. Me fjalë të tjera, në qoftë se ata janë të detyruar të gjejnë një shtëpi të re për të bërë parfum e tyre ikonë, me siguri do të mbajë një erë ndryshe për shkak të ndryshimit të luleve të përdorura dhe kushteve të reja në të cilat do të lulëzojnë.
Pasi cilësia e luleve në këtë rajon thuhet se është “unike dhe e jashtëzakonshme”, le të shpresojmë se treni mund të gjejë një mënyrë tjetër përmes Rivierës. Nëse jo, do të ishte më mirë të nisnit blerjen e Chanel No. 5, tani.
Burimi: Vogue
