Reperi Noizy po shijon suksesin e këngës së tij më të re, “A të kujtohet”. Pjesë e klipit është edhe modelja serbe e cila vizitoi Tiranën para dy javësh dhe u fotografuan nën shoqërinë e çunave të grupit OTR.
Por ajo që është vënë re nga fansat e reperit shqiptar është një bluzë në ngjyrë rozë të cilën Noizy e ka veshur edhe në një tjetër videoklip, në këngën “Pa mu”, me Elgit Dodën.
Përdorimi i të njëjtës bluzë sportive është kritikuar nga fansat e tij. Megjithatë duke ditur gjendjen financiare të reperit, e vetmja gjë që mund të themi është së kjo mund të jetë bluza e tij e preferuar. E kush nuk e ka një të tillë?!
