Në vigjilje të Pashkës, besimtarët katolikë kremtojnë rrugëtimin e Krishtit, pra “Udhën e Kryqit”.
Besimtarët u mblodhën në sheshin “Nënë Tereza” për të bërë ecjen dhe qëndresat. Ishin 14 ndalesa që ata bënë, duke nisur nga momenti i dënimit fatal me vdekje, ecja me kryqin në shpinë, etj.
Besimtarët ishin dhe me qirinj në duar duke ndjekur të gjitha ritet. Imzot Arjan Dodaj drejtoi këtë rit duke dhënë edhe një mesazh për të gjithë.
“Të lutemi për atë realitet të rinisë të varur nga varësia e drogës, e kriminalitetit, e humbjes busullës, motiv i një shoqërie e ndikuar nga materializmi, nga individualizmi, nga idhujtaria narciste e vetvetes e kështu ka humbur aftësinë të shijojë jetën edhe në gjërat që janë sprovë. Të shijojë jetën sepse jeta gjithmonë ia vlen të jetohet edhe kur gjërat nuk shkojnë mirë, edhe kur jemi të sëmurë, edhe kur nuk jemi sipas prospektivë fasadë të kësaj bote që kënaqet me ca like, por nuk di të ngushëllojë realisht, zemrën, mendjen, jetën e njeriut”, tha Imzot Arjan Dodaj, Arqipeshkv i Dioqezës Tiranë-Durrës.
