“Shi” i merimangave në Brazil ka ngritur shumë pyetje dhe biologët ekspertë po shpjegojnë saktësisht se çfarë po ndodh me këtë fenomen. Videot që tani janë shpërndarë në internet u regjistruan nga njerëz që u mahnitën kur e panë atë në Sao Thome das Letra, në shtetin Minas Gerais, Brazil.
Biologu, Kayron Passos, raportoi kontekstin e situatës përmes një agjencie lokale të lajmeve. “Kjo është një orgji merimangash.” Femrat kanë diçka që quhet spermatheca, ku ruajnë spermën nga meshkuj të ndryshëm për të fekonduar vezët. Në këtë mënyrë, femra siguron që do të ketë shumë pasardhës të ndryshëm dhe rrit diversitetin gjenetik.
Passos sqaroi më tej se edhe pasi vezët janë fekonduar, femrat vazhdojnë të mbledhin spermë për përdorim të mëvonshëm.
“Kjo sjellje rrit rezistencën, duke i bërë këta pasardhës më rezistent ndaj sëmundjeve”, theksoi ai.
Arachnologia Ana Lucia Tourinho tha se megjithëse merimangat “nuk qëndrojnë së bashku”, disa specie shfaqin më shumë “sjellje sociale”.
“Strategjia e të qëndruarit së bashku në një grup rrit furnizimin me ushqim për pasardhësit dhe të miturit,” përfundoi ai.
