Kryeministri i Serbisë, Millosh Vuçeviç, ka dhënë dorëheqjen!
Dorëheqja vjen pas valës së protestave që kanë përfshirë Serbinë për më shumë se dy muaj.
Mijëra studentë dhe qytetarë të tjerë kërkojnë përgjegjësi penale dhe politike për tragjedinë në qytetin e Novi Sadit, ku, më 1 nëntor të vitit të kaluar, 15 persona humbën jetën nga shembja e strehës në stacionin hekurudhor.
Në një fjalim të jashtëzakonshëm për publikun në ndërtesën e Qeverisë, pas sulmit të natës ndaj studentëve në Novi Sad, ai deklaroi se kur mori mandatin nga Presidenti i Serbisë në fund të prillit të vitit të kaluar, kishte një ndjenjë të fortë krenarie dhe u përpoq të kuptonte përgjegjësinë që mban në punë. Ai thotë se ishte i vetëdijshëm se Serbia ka sfida të shumta në rajon dhe situatën gjeopolitike, por qeverinë e tij e shihte si një qeveri të vazhdimësisë.
“
Vendimi im është i parevokueshëm”, theksoi ai, ndërsa shtoi se ka pasur dhe një takim të gjatë me presidentin Vuçiç, i cili pranoi vendimin dhe argumentet tij.
“Kjo politikë të cilës i përkas, partia që unë drejtoj, partia që fitoi, duhet të tregojë shkallën më të lartë të përgjegjësisë, të sjellë dhe të tregojë rregulla të reja të së drejtës në politikën serbe, të tregojë se është më e përgjegjshmja.
Pas kësaj ngjarjeje mbrëmë në Novi Sad, vendimi im i parevokueshëm është të jap dorëheqjen si kryeministër i Republikës së Serbisë. Kam pasur një takim të gjatë me presidentin VuçiJ, ai pranoi vendimin dhe argumentet e mia”, tha ai.
