Mijëra protestues, kryesisht femra, dolën në rrugët e Washingtonit për të protestuar kundër Presidentit të sapozgjedhur Donald Trump, i cili pritet të marrë detyrën nesër.
Marshi Popullor, i njohur më parë si Marshi i Grave, zhvillohet çdo vit që nga 2017-ta. Një koalicion grupesh organizoi lëvizjen me qëllimin për t’u përballur me “Trumpizmin”, ashtu siç ata e quajnë. Protesta më të vogla kundër Trump u mbajtën gjithashtu në New York City dhe Seattle.
Tubimet përkojnë me mbërritjen e Trump në kryeqytetin e vendit për një seri ngjarjesh fundjave në prag të ceremonisë së betimit të tij të hënën. Organizatoret kishin pritur 50,000 njerëz, por u paraqitën rreth 5,000, një numër më i vogël se i viteve të kaluara. Protestuesit u mblodhën në tri parqe përpara se të marshonin drejt Memorialit të Lincoln për një tubim.
