Pas zyrtarizimit të lidhjes mes Anës dhe Kevinit në shtëpinë e Big Brother VIP Kosova, ish-partneri i Anës, Ozi, ka reaguar për herë të parë përmes një videomesazhi drejtuar produksionit dhe publikut.
Në deklaratën e tij, Ozi, një artist i ri, sqaroi detaje mbi marrëdhënien e tij të mëparshme me Anën, duke shpjeguar se lidhja e tyre ishte në fazat fillestare dhe se gjithçka mbeti e hapur deri në përfundimin e qëndrimit të saj në shtëpinë e Big Brother.
“Unë dhe Ana ishim në fillimet e një lidhjeje, por pas sjelljeve të saj të pahijshme gjatë lojës, vendosa të tërhiqem pa bërë zhurmë. Megjithatë, pas daljes së saj, ajo filloi të përmendë emrin tim dhe të bëjë deklarata që nuk mund të lija pa përgjigje,” u shpreh Ozi.
Ai gjithashtu kritikoi Anën për komentet dhe publikimet në rrjetet sociale, duke theksuar se nuk kishte ndërhyrë në jetën e saj private dhe se nuk kishte për qëllim të ndikonte negativisht mbi imazhin e saj.
“Çdo foto apo video që qarkullon është publikuar prej saj, jo prej meje. Unë nuk kam tentuar asnjëherë të ngre ose të ul imazhin e Anës,” përfundoi Ozi.
Kevin ka thënë fjalën e fundit pasi u shfaq videoja e ish të dashurit të Anës, i cili pretendonte se ka lënë lidhje të hapur jashtë.
“Për këto çka ka ndodh me Anën. Unë e shoh te Ana atë që kam parë këtu, jo atë që ka ndodhur më herët. Unë i besoj Anës, ende, por s’mund të them a është apo nuk është ashtu”, tha Kevin.
