Netflix ka shkelur kontratën me konsumatorin duke ofruar një shërbim me probleme teknike. Kjo gjë i ka shkaktuar dëme morale dhe ekonomike. Shumë përdorues u ankuan për ngadalësimin e shërbimit, madje edhe për ndërprerje të plotë të transmetimit.
Bëhet fjalë për ndeshjen e Mike Tyson dhe Jake Paul. Këto probleme detyruan një qytetar nga Florida që të ngrejë një padi ndaj Netflix, duke kërkuar dëmshpërblim prej 50 milionë dollarësh.
Ai gjithashtu kërkon që Netflix të rishikojë politikën për shërbimet e transmetimeve të drejtpërdrejta, duke siguruar që shikuesit të kenë një përvojë të mirë në shikimin e eventeve të tilla të rëndësishme.
