Në një intervistë për emisionin “Canapé”, Visar Dërmaku, i njohur nga publiku si Gani Gërmia, ka hapur zemrën dhe ka ndarë ndjesitë e tij pas përvojës në “Big Brother VIP Kosova”.
I njohur për humorin e tij dhe energjinë pozitive që e shoqëronte në shtëpinë e Big Brother, Gani u bë një nga banorët më të dashur të sezonit të dytë. Megjithatë, ai zbuloi se kalimi nga jeta e mbushur me kamera dhe dinamika të përditshme brenda shtëpisë në jetën reale, ishte një periudhë e vështirë për të.
“Pas daljes nga ‘Big Brother’, e vërteta është se nuk kam qenë në gjendje të mirë emocionale,” ka pranuar ai gjatë intervistës. Gani ka theksuar se ndonëse ka pasur një popullaritet të madh gjatë kohës që ka qenë në show, përballimi i realitetit pas daljes ishte një sfidë e madhe për të.
