Një ngjarje e rëndë është regjistruar në Itali, ku një i mitur me origjinë shqiptare ka ndërruar jetë pasi është përplasur nga një automjet teksa po kalonte rrugën në një vendkalim për këmbësorë.
Djali i mitur, i identifikuar si Roel Abedoni 15 vjeç, ka humbur jetën pas dy orëve në spitaln e Tivolit. Automjeti që përplasi të miturin drejtohej nga një 71 vjeçar, i cili u ndal për të ndihmuar djalin.
Policia ka nisur në mënyrë të menjëhershme hetimet për shkaqet e ngjarjes tragjike, sakaq, drejtuesi i automjetit rezultoi negativ për alkool dhe drogë.
