Këngëtarja e njohur, Anastacia, e cila ka qenë në një koncert live edhe në Tiranë, ka pozuar e zhveshur duke treguar shenjat e operacionit që ka bërë kundër kancerit në gji.
48-vjeçarja amerikane pozoi për numrin e ri të revistës “Fault”, duke treguar trupin dhe plagët e saj në një seri imazhesh mahnitëse.
Këngëtarja e cila ka dhuruar para për hulumtime mbi kancerin e gjirit, ka qenë e hapur për betejën e saj me kancerin, marrjen e vendimit për të pasur një mastektomi të dyfishtë pas dy betejave me kancerin e gjirit në vitin 2003 dhe dhjetë vjet më vonë, në vitin 2013.
Si pjesë e kirurgjisë ajo u detyrua që të ndërhynte te muskujt në shpinë duke i hequr ata për të rindërtuar gjoksin e saj. Plaga në kurriz është e dukshme në foton e publikuar në revistë, po jo ajo e gjoksit.
“Jam shumë e shqetësuar kur i lë njerëzit t’i shohin plagët, me të vërtetë që jam, por dua të jem në gjendje të shkoj në plazh”, shpjegon ajo.
*Shfleto galerinë
Burimi: Daily Mail
