Një burrë nga Pensilvania është dënuar me deri në 40 vjet burgim shtetëror pasi ka rrahur aq keq nënën e tij, saqë fytyra e saj u “shkatërrua” dhe ajo vështirë se mund të njihej.
Erik Watkins, 42 vjeç, vrau brutalisht nënën e tij 60-vjeçare Patricia Watkins në shtëpinë e saj Sugar Notch në Luzerne County.
Forcat e Policisë së Shtetit të Pensilvanisë nxituan në shtëpi, ku gjetën viktimën të rrahur për vdekje.
Hetuesit thanë se Patricia u la të vdiste në një vaskë pasi pësoi lëndime të shumta duke përfshirë kocka të thyera në fytyrë, qafë dhe brinjë. Detektivët shkruan në një kallëzim penal se fytyra e Patricia-s ishte goditur aq keq sa ishte “shkatërruar”. Ndërsa forcat shtetërore mbërritën në vendin e krimit, djali vrasës bërtiti: “Unë e di kush je dhe e di se çfarë dëshiron. Ajo ka vdekur, nëna ime ka vdekur, unë e vrava”. Sipas kallëzimit penal, natën e vrasjes, Watkins dhe njerku i tij u përleshën pasi i dënuari tashmë filloi të rrihte nënën e tij në një divan.
