Të paktën 28 pelegrinë nga Pakistani janë vrarë dhe 23 janë plagosur pasi autobusi i tyre u përmbys në Iranin qendror, sipas mediave shtetërore iraniane.
Aksidenti ndodhi vonë të martën në provincën qendrore të Yazd. Në bord ndodheshin 53 pasagjerë kur autobusi u rrëzua gjatë rrugës për në qytetin e shenjtë të Qerbelasë në Irak për pelegrinazhin e Arbainit.
Një defekt teknik në sistemin e frenimit të automjetit shkaktoi aksidentin, sipas një hetimi paraprak nga policia rrugore në Yazd, njoftoi media shtetërore të mërkurën.
Rreth 53 persona besohet se kanë qenë në autobus në kohën e përplasjes, siç raportohet nga Dawn News të Pakistanit, duke përfshirë pelegrinët nga Larkana, Ghotki dhe qytete në Sindh.
