Një tërmet me magnitudë 7.2 ka goditur brigjet lindore të gadishullit rus të Kamçatkës, ndërsa janë lëshuar paralajmërime për cunami.
Tërmeti u regjistrua në një thellësi prej rreth 51 km (32 milje), tha Qendra Sizmologjike Mesdhetare Evropiane. Qendra Kombëtare e Paralajmërimit të Tsunamit tha se kishte një kërcënim për cunami nga tërmeti. Një paralajmërim për cunami tha se valët që “arrinin 0.3m-1m” mbi nivelin e baticës ishin të mundshme vetëm për disa zona bregdetare në Rusi.
Ministria lokale e emergjencave tha se lëkundjet u ndjenë përgjatë bregdetit duke përfshirë kryeqytetin e rajonit Petropavlovsk-Kamchatsky.
“Ekipet operative të shpëtimtarëve dhe zjarrfikësve po inspektojnë ndërtesat”, tha në Telegram dega rajonale e ministrisë së emergjencave të Rusisë në rajonin e Kamçatkës.
Gadishulli shtrihet në një brez sizmik aktiv që rrethon pjesën më të madhe të Oqeanit Paqësor, i njohur si “Unaza e Zjarrit” dhe është shtëpia e më shumë se dy duzina vullkane aktive.
